საკალათბურთო ჩემპიონთა ლიგის წლევანდელ გათამაშებაში მეორე მატჩი გამართა გიორგი შერმადინის „ტენერიფემ". კუნძულელები სარდინიას ესტუმრნენ და „დინამო სასრისთან" 72:92 დამარცხდნენ.

პირველი ტაიმის შემდეგ ასეთ შედეგს ვერავინ იწინასწარმეტყველებდა, რადგან თამაშის სადავეები ხელთ ტენერიფელებს ეპყროთ და ათი ქულითაც ლიდერობდნენ. თუმცა მესამე პერიოდი მათ აშკარად ჩააგდეს, 7:29 წააგეს და მეოთხეში სიტუაციის გამოსწორება ვერ შეძლეს.

გიორგი შერმადინი სასტარტო ხუთეულში იყო, 26 წუთი ითამაშა, რა დროშიც 6 ქულა, 2 პასი და 1 ჩაჭრა მიითვალა.

„ტენერიფე" უახლოეს მატჩს ესპანეთის ჩემპიონატში 8 ნოემბერს „ბეტისთან" გამართავს.