სანდრო მამუკელაშვილის სეტონ ჰოლმა ისევ იმარჯვა და საუკეთესო კვლავ ქართველი ფორვარდი გახლდათ. "მეკობრეები" სტუმრად შეხვდნენ Big East-ის კონფერენციის დებიუტანტ კონეტქიკუტელ "ჰასკებს" და მამუკელაშვილის წინამძღოლობით 80:73 დაამარცხეს. 

მამუკელაშვილმა მოედანზე 36 წუთი გაატარა და გუნდს 22 ქულა, 7 მოხსნა (3 შეტევაში), 2 პასი და 1 ჩაჭრა შესძინა. სანდრომ 7-დან 3 ორქულიანი, 3-დან 2 სამქულიანი და 12-დან 10 საჯარიმო ჩააგდო, ბურთი 3-ჯერ დაკარგა და არ დაჯარიმებულა. ქართველი ფორვარდის შემდეგ სეტონ ჰოლში მაილს კეილი გამოირჩა 20 ქულით. 

სეტონ ჰოლმა 8 გამარჯვება და 5 მარცხი მოაგროვა და Big East-ის კონფერენციაში მე-4 ადგილზეა, მომდევნო მატჩს კი 15 თებერვალს შინ "მარკეტთან" ჩაატარებს.