21-22 ნოემბერს, პოლონეთის ქალაქ ბიდგოშჩში გამართულ მსოფლიოს 23-წლამდელთა ჩემპიონატზე საქართველოს ბერნძნულ-რომაული სტილით ნაკრებმა დიდი წარმატებით დაასრულა ასპარეზობა, ქართველმა მოჭიდავეებმა  1 ოქროს და 3 ვერცხლის მედალი მოიპოვეს, გუნდურ ჩათვლაში კი პირველობა არავის დაუთმეს.

მსოფლიოს ჩემპიონი ოლიმპიური პრიზიორი შმაგი ბოლქვაძე (66 კგ) გახდა, ვერცხლის მედლები გელა ბოლქვაძემ (75 კგ), ლაშა გობაძემ (80 კგ) და ზვიად პატარიძემ (130 კგ) მოიპოვეს.

საერთო გუნდურ ჩათვლაში კი ჩვენმა ნაკრებმა ყველას აჯობა და 51 ქულით პირველი ადგილი დაიკავა, მეორეზე რუსეთი გავიდა 50 ქულით, მესამეზე თურქეთი 42.

გუნდური პირველი ადგილისათვის განკუთვნილი თასი კი ნაკრების მთავარმა მწვრთნელმა სოსო ჯაბიძემ ჩაიბარა. მასთან ერთად გუნდს, ჯემალ ბაკურიძე, ზაზა ჯიბლაძე და ვლადიმერ გეგეშიძე წვრთნიან.