ხმლით მოფარიკავე სანდრო ბაზაძე, ქართველ ოლიმპიელთაგან ერთ-ერთია, რომელსაც ტოკიოს 2020-ის ლიცენზია 15 ივნისამდე ჰქონდა მოპოვებული და ოფიციალურად გამოცხადებულ 19 ლიცენზიანტს შორის, ერთ-ერთი იყო.

გუშინ კი, ქართველმა, ფარიკაობის ეკიპირების მწარმოებელ გერმანულ Allstar-თან სასპონსორო ხელშეკრულება გააფორმა, რომლის თანახმად, გერმანული ფარიკაობის ეკიპირების N1 კომპანია საქართველოს საუკეთესო მოფარიკავეს, ერთი წლის განმავლობაში, სრულად უზრუნველყოფს საკუთარი პროდუქციით.

სპეციალურად სანდროსთვის, Allstar -მა  დაამზადა ჩაფხუტი, რომელზეც საქართველოს დროშაა გამოსახული. სანდრო ბაზაძეს, რონელიც ოლიმპიურ თამაშებზე Allstar -ის ეკიპირებით იასპარეზებს, კომპანია, წარმატების შემთხვევაში, სიურპრიზს ჰპირდება.