ახალგაზრდა ქართველ კანოისტს ალექსანდრე წივწივაძეს, მომდევნო ოლიმპიურ თამაშებზე საპრიზო სამეულს უწინასწარმეტყველებენ. ამის საბაბს კი, 17 წლის სპორტსმენის მონდომება და მიღწევები იძლევა.

პოლონეთის ქალაქ პოზნანში მიმდინარე ევროპის ახალგაზრდული (19 და 23-წლამდე) ჩემპიონატზე, დღეს, ალექსანდრე წივწივაძემ, 1000-მეტრიანი დისტანცია 4 წუთსა და 0.193 წამში დაფარა და ევროპის ჩემპიონი გახდა.

აღსანიშნავია, რომ ალექსანდრე პირველი ქართველი ნიჩბოსანია, ვინც 1000მ-იანი, ე.წ. „ოლიმპიური" დისტანცია მოიგო.

#მოუსვა