თბილისის ოლიმპიურ სასახლეში, ხვალიდან, 6 აგვისტოდან  17-წლამდე ხელბურთელ გოგონათა ევროპის ჩემპიონატი გაიმართება. საქართველოს დედაქალაქში, 10 დღის მანძილზე, 10 გუნდი, საუკეთესოს გამოველნას შეეცდება. ტურნირის დებულების თანახმად, ევროპის ჩემპიონატის მონაწილე გუნდები, ორ ჯგუფში გადანაწილდნენ.

A ჯგუფი,  საქართველოსთან ერთად, ნიდერლანდები, საბერძნეთი, უკრაინა და ლუქსემბურგი მოხვდნენ. B ჯგუფი კი, სერბეთი, იტალია, ისრაელი, ესტონეთი და ფარერის კუნძულები.

საქართველოს ნაკრები ჯგუფში პირველ მატჩს 6 აგვისტოს 17:00 საათზე ლუქსემბურგის წინააღმდეგ ჩაატარებს.

ჩვენი გუნდის სხვა თამაშების განრიგი კი ასეთია:

9 აგვისტო  / 14:30  /  საქართველო - უკრაინა

10 აგვისტო / 17:00 /  საქართველო - ნიდერლანდები

12 აგვისტო / 14:00 / საქართველო - საბერძნეთი

13 აგვსიტო -1/2 ფინალები

ტურნირის დებულების თანახმად, მედლებისთვის ასპარეზობას, ჯვარედინი სისტემით, ჯგუფებში, 1 და 2 ადგილზე გასული გუნდები გააგრძელებენ, A1-B2 /  A2-B1  შეხვდებიან. გამარჯვებულები ფინალში გააგრძელებნ ასპარეზობას, დამარცხებულები კი 3 ადგილს გაითამაშებენ. ანალოგიურად, 5-8 ადგილებისთვის  A3-B4-ს, ხოლო A4- B3-ს ითამაშებენ.  

17-წლამდე გოგონათა შორის გამარჯვებული 15 აგვისტოს გამოვლინდება.