ტოკიოს 2020 წლის ოლიმპიური თამაშების შემდეგ, პირველ დიდ ტურნირზე, რომელიც 2-10 ოქტომბრის ჩათვლით ოსლოში გაიმართება, საქართველოს თავისუფალი სტილით მოჭიდავეთა ნაკრები 10 ფალავნით იასპარეზებს. ნორვეგიაში დაგეგმილ მსოფლიოს ჩემპიონატზე, მოქმედი ჩემპიონების რანგში წარსდგებიან 61კგ წონით კატეგორიაში ბექა ლომთაძე და 125 კგ-ში გენო პეტრიაშვილი.

საქართველოს თავისუფალი სტილით მოჭიდავეთა ნაკრების სამწვრთნელო შტაბმა, გიორგი იანტბელიძის ხელმძღვანელობით, მსოფლიოს 2021 წლის ჩემპიონატზე შემდეგი შემადგენლობის წაყვანა გადაწყვიტა.

57 კგ - გოგა ძიგუა

61 კგ - ბექა ლომთაძე

65 კგ - ედემი ბოლქვაძე

70 კგ - ზურაბ იაკობიშვილი

74 კგ - ავთანდილ კენჭაძე

79 კგ - ნიკა კენჭაძე

86 კგ - სანდრო ამინაშვილი

92 კგ - ირაკლი მწითური

97 კგ - ელიზბარ ოდიკაძე

125 კგ - გენო პეტრიაშვილი

საქართველოს ნაკრები ნორვეგიაში 30 სექტემბერს გაემგზავრება.