საქართველოს ქალთა ნაკრებმა დიდი წარმატებით იასპარეზა მსოფლიოს გუნდური ჩემპიონატის პირველ ეტაპზე და 'B' ქვეჯგუფში დამაჯერებლად გავიდა პირველ ადგილზე 8 სამატჩო ქულით.

ერთი ქულით ნაკლები დააგროვეს: უკრაინის და ყაზახეთის გუნდებმა. ხოლო, ქვეჯგუფიდან გამსვლელი მეოთხე საგზური - სამი ქულით და უკეთესი მაჩვენებლებით ფიდეს ამერიკის გუნდმა დაისაკუთრა.

მეოთხედფინალში 2 მატჩი გაიმართება 45-წუთიანი კონტროლით, თამაშების ფრედ დასრულების შემთხვევაში კი დამატებითი მატჩი ელვისებურ ჭადრაკში - 3წუთი+2 წამი პირველივე სვლიდან.

ნოკაუტ- მატჩებში ერთმანეთს დაუპირისპირდებიან და ნახევარფინალის საგზურისთვის იბრძოლებენ შემდეგი გუნდები:

რუსეთის ჭადრაკის ფედერაცია- ამერიკის ქვეყნები

უკრაინა - სომხეთი

საქართველო - აზერბაიჯანი

ინდოეთი - ყაზახეთი.

ქართველი მოჭადრაკეების ტექნიკური შედეგები:

ნანა ძაგნიძე (2455) -3 ქულა (5-დან)

ნინო ბაციაშვილი (2371)- 4 (5)

მერი არაბიძე (2434) - 2 (4)

ლელა ჯავახიშვილი (2364) - 3(4)

სალომე მელია (2271)- 1,5 (2)1

ჩემპიონატის ოფიციალური ვებგვერდი