ხვალ, თბილისის დროით, 19:00 ცნობილი გახდება თუ ვინ იქნებიან ქართველი ძიუდოისტების მოწინააღმდეგენი პარიზის გრან სლემზე. IJF-ის ტურნეს ერთ-ერთი ყველაზე პრესტიჟული შეჯიბრი კი, საფრანგეთის დედაქალაქში, 16 ოქტომბერს აიღებს სტარტს და 17 ოქტომბრამდე გასტანს.

პარიზის გრან სლემზე, ქართული გუნდი მოკრძალებული შემადგენლობით, მხოლოდ 5 სპორტსმენით, 5 წონით კატეგორიაში იქნებიან წარმოდგენილები:

-57კგ ეთერ ლიპარტელიანი

-73კგ ვაჟა მარგველაშვილი

-81კგ ტატო გრიგალაშვილი

-90კგ ლუკა მაისურაძე

-100კგ ონისე სანებლიძე

ყველაზე მეტი, 28 ძიუდოისტი დაარეგისტრირა აღნიშნულ ტურნირზე, მასპინძელმა საფრანგეთმა. საერთო ჯამში კი, პარიზის გრან სლემზე, 5 კონტინეტის, 47 ქვეყნის 288 ძიუდოისტის განაცხადია გაკეთებული.