საქართველოს ქალთა ნაკრებმა ევროპის ქალთა გუნდურ პირველობაზე ზედიზედ მესამედ ვერცხლის მედალი მოიპოვა. ჩემპიონატი  სლოვენიის კურორტ თერმე ჩატეჟში,  შვევიცარიული სისტემით 9 ტურად გაიმართა.

პირველ ადგილზე 18 ქულით რუსეთის ნაკრები გავიდა, ჩვენებმა 15 ქულით მოიპოვეს ვერცხლის მედალი, ხოლო III - IV ადგილები გაიყვეს და დამატებითი მაჩვენებლებით შემდგნაირად განაწილდნენ: 3- აზრბაიჯანი,  4- უკრაინა.

განსაკუთრებით აღსანიშნავია გუნდის ლიდერების ნანა ძაგნიძის და ლელა ჯავახიშვილი ბრწყინვალე თამაში. ორივე მათგანმა  პირად დაფაზე საუკეთესო შედეგი დააფიქსირეს და მცირე ოქროს მედლები მოიპოვეს.

აღსანიშნავია ასევე, რომ ევროპის ჩემპიონატის ბოლოსწინა ტურში ქართველმა ქალებმა დიდი ანგარიშით 3,5-0,5 საბერძნეთის ნაკრები „გაანადგურეს" და ერთი ტურით ადრე გაინაღდეს მეორე საპრიზო ადგილი. სადაც,  დასკვნით ტურში ფრანგი მოჭადრაკეები დაამარცხეს. გუნდს, გამარჯვების ქულა სოფიო გვეტაძემ მოუტანა.

1. ნანა ძაგნიძე       (2524) - 5,5 ქულა 7-დან; რეიტინგის მატება +13,3

2. ლელა ჯავახიშვილი (2446) - 6 (8); +13,7;

3.მერი არაბიძე     (2441) - 4,5 (9); -11,8

4.სალომე მელია    (2371) - 3(7); -10,3

5.სოფიო გვეტაძე  (2302) -  3,5 (5); +4,1.

კაპიტანი - დავით ჯოჯუა; მთავარი მწვრთნელი- ელიზბარ უბილავა.

ბოლო ტურამდე ლიდერთა ჯგუფში იმყოფებოდა და საპრიზო სამეულისთვის იბრძოდა ვაჟთა ნაკრები. სამწუხაროდ, დასკვნით ტურში ევროპის ჩემპიონატის ბრინჯაოს პრიზიორ პოლონეთის ნაკრებთან  განცდილმი  მარცხით ქართველი ვაჟები, საბოლოოდ მე-11 ადგილზე გავიდნენ.

გუნდის ყველა წევრმა მაქსიმალურად იბრძოლა და საკუთარ ელო-რეიტინგს დამატებითი ქულები შესძინა.

განსაკუთრებით აღსანიშნავია, ლუკა პაიჭაძის და ლევან ფანცულაიას კარგი თამაში. ორივე მათგანმა დამარცხების გარეშე განვლო ტურნირი!

ვაჟთა გუნდი:

1.ბაადურ ჯობავა     (2582) - 4 (9); +5,6;

2.თორნიკე სანიკიძე (2458) - 2 (6); +6,4;

3.ლუკა პაიჭაძე          (2551) - 5,5 (9); +14,9;

4.ლევან ფანცულაია (2571) - 4  (6); +7,7;

5.გიგა ყუფარაძე        (2475) - 2,5 (6); +1,6;

კაპიტანი / მთავარი მწვრთნელი - ზურაბ სტურუა;

ევროპის გუნდური ჩემპიონატზე  პირველობა, უკრაინამ და საფრანგეთმა გაინაწილეს, დამატებითი მაჩვენებლებით ჩემპიონის ტიტული უკრაინამ დაისაკუთრა. II-IV ადგილები გაიყვეს და კოეფიციენტებით შემდეგნაირად განაწილდნენ: 3 -პოლონეთი, 4-ესპანეთი.