თემურ ნოზაძემ, ზედიზედ მეორედ თბილისის გრანდ სლემის მოგება მოახერხა. -60 კგ წონით კატეგორიაში მოასპარეზე ქართველი ჯუდოკასთვის კონკრეტული ტურნირი „მშობლიური" გახდა და მიუხედავად იმისა, რომ ფინალიც ქართული გამოდგა, ნოზაძემ დამატებით დროში, 07:48 წუთზე გიირგი სარდალიშვილთან აღებული ვაზარით, ტიტულის მოგება მოახერხა.

-60კგ ყველა შედეგი

შეეძლო მოეგო ოქრო, -66 კგ წონით კატეგორიაში, გიორგი თუთაშვილსაც, რომელმაც ფეხის ტრავმის გამო, ფინალში ვერ იასპარეზა და მხოლოდ ვერცხლის მედალს დასჯერდა. თუმცა, მანამდე, ქართულ 1/2 ნახევარფინალში მან ვაჟა მარგველაშვილის დამარცხება მოახერხა. შესაბამისად, ვაჟამ ბრინჯაოს მედლისკენ გაიწია და მოიგო კიდეც.  მიუხედავად იმისა, რომ ქართველმა შიდოთი დაიწყო, შემდეგ ვაზარი გაუუქმეს, მარგველაშვილმა ბრაზილიელი მეტოქის იპონით დამარცხება მოახერხა,

-66 კგ ყველა შედეგი

გოლდენ სქორში მოიგო თბილისის გრან სლემის ბრინჯაო ეთერ ლიპარტელიანმაც. ქართული ქალთა ძიუდოს ისტორიის შემქმნელმა ბადეში, ჯერ უკრაინელი დარია ბოლოდიდი დაამარცხა, შემდეგ კი, ყაზახ სევარა ნიშანბაევას სძლია და 1/2 ფინალში, კორეელ მიმი ნუმთან დამარცხდა, რომელიც საბოლოოდ თბილისის გრან სლემის გამარჯვებულიც გახდა.

-57კგ ყველა შედეგი

თბილისის ოლიმპიურ სასახლეში დღეს, სტარტი „თბილისის გრან სლემმა" აიღო. ტრადიციულ და პოპულარულ შეჯიბრში, წლეულს საქართველოს 39 წარმომადგენელი მონაწილეობს. ასპარეზობის პირველ დღეს, ქართული გუნდის სათვალაშვი 5 მედალი აღმოჩნდა. მათ შორის 1 ოქროს, 2 ვერცხლისა და ორიც ბრიჯნაოს ყალიბის.

ხვალ, ქართული გუნდიდან ტატამზე 11 ქართველი იასპარეზებს.

-73კგ ლაშა შავდათუაშვილი, გიორგი ტერაშვილი, გიორგი ჩიხელიძე, ფრიდონ გიგანი;

-81კგ  ტატო გრიგალაშვილი, გიორგი შერაზადიშვილი, ლევან გუგავა, დიმიტრი გოჩილაიძე;

-63კგ  რეგინა უთნელიშვილი, მარიამ ციხელაშვილი;

-70კგ  ინდირა სილაგაძე;

შეგახსენებთ, რომ ტურნირი თბილისის ოლიმპიურ სასახლეში მიმდინარეობს და გრან სლემზე დასასწრები ბილეთების შეძენა შესაძლებელია როგორც ინტერნეტის საშუალებით, ისე ოლიმპიური სასახლის ტერიტორიაზე.

ფოტო: ემანუელე დი ფელიჩიანტონიო / IJF