საქართველოს 17 წლამდე 3×3 კალათბურთელთა ნაკრებმა ევროპის თასის საგზური ვერ მოიპოვა. ჩვენი ნაკრები 4 მოთამაშის შემადგენლობით (ნიკოლოზ ბოსტოღანაშვილი, ლუკა კოკოჩაშვილი, საბა ნარიმანიძე, საბა სალაძე) უნგრეთის ქალაქ შოლნოკში იმყოფებოდა, სადაც ერთ-ერთი საკვალიფიკაციო ტურნირი ჩატარდა. 

საქართველოსთან ერთად ტურნირში 11 ქვეყნის ნაკრები - ავსტრია, დანია, ესტონეთი, გერმანია, დიდი ბრიტანეთი, უნგრეთი, ირლანდია, ლატვია, ლიეტუვა, შვედეთი და უკრაინა ასპარეზობდა. ჯგუფში ჩვენი მეტოქეები იყვნენ ესტონეთი და შვედეთი და პლეი ოფში გასასვლელად საჭირო იყო ერთ-ერთი მათგანის დამარცხება. პირველ შეხვედრაში ქართველებმა დიდი ბრძოლა გაუმართეს ესტონეთს და ბოლო წამებზე - 21:18 დამარცხდნენ. მეორე დღეს, 7 აგვისტოს ჩვენი გუნდი შვედეთს შეხვდა და მეტოქეს ვერაფერი მოუხერხა - 13:21 წააგო და ჯგუფიდან ვერ გავიდა.