პორტუგალიის 2021-2022 წლების სეზონის საერთაშორისო ტურნირების სერიის გამარჯვებული,  ფიდე-ს ოსტატი ირაკლი ახვლედიანი გახდა. ბათუმელმა მოჭადრაკემ  220 ქულით აღნიშნული ტურნირის მოგება მოახერხა.

აღსანიშნავია, რომ საქართველოს წარმომადგენლმა დასრულებულ სერიაში, საერთო ჯამში სამ ტურნირზე იასპარეზა: Guimarães Open-ზე  მე-9, ხოლო  Maia International Tournament -ზე მე-2 ადგილი დაიკავა. გადამწყვეტ, მესამე შეჯიბრში, ახვლედიანმა მოახერხა ქულების იმ რაოდენობის დაგროვება, რითაც უშუალო კონკურენტს, ტურნირის მასპინძელ ხოსე ფრანისკო ვეიგას 20 ქულით დაგაუსწყო.

საერთო ჯამში, პორტუგალიის 2021-2022 წლების სეზონის საერთაშორისო ტურნირების სერიაში 911 მოჭადრაკემ მიიღო მონაწილეობა.