საქართველოს წყალბურთელთა ეროვნულმა ნაკრებმა ხორვატიაში, ევროპის ჩემპიონატზე ასპარეზობა მე-8 ადგილზე დაასრულა. გამომდინარე იქიდან, რომ დეიან სტანოიევიჩის გუნდმა, ჯგუფიდან გასვლა და ¼ ფინალში თამაში მოახერხა ქართველ წყალბურთელთა შედეგი წარმატებულად შეიძლება შეფასდეს, რადგან წინა ევროპის ჩემპიონატზე ნაჩვენები ჩვენივე შედეგი (მე-10 ადგილი) სპლიტში გავაუმჯობესეთ.

საინტერესოა ის გარემოებაც, რომ ჩვენი გუნდი, ევროპის ჩემპიონატსი  ჯგუფურ და ჩემპიონატის დასკვნით შევხერდებში ერთსა და იმავე გუნდს, მონტენეგროს დაუპირისპირდა და ორივე მატჩში იდენტური ანგარიშით 14-11 დამარცხდა.

საქართველოს ნაკრებმა ოთხი მონაკვეთიდან მხოლოდ ერთი, ბოლო პერიოდი მოიგო ერთი ბურთის სხვაობით, 2-3. საწყის სამ პერიოდში კი, მონტენეგროელებმა ნელ-ნელა მოახერხეს კომფორტული უპირატესობის მოპოვება 6-4, 2-1, 4-3. გადამწყვეტი მეოთხედის წინ ისინი 11-8 იგებდნენ და ერთადერთი რისი გაკეთებაც ევალებოდათ, ნაკლები გოლის გაშვება იყო.

ამ დღეს, საქართველოს ნაკრებიდან გოლები 8 წყალბურთელმა გაიტანა: ანდრო ბითაძემ (1), ბორის ვაპენსკიმ (2), იოვან სარიჩმა (2), ნიკა შუშიაშვილმა (1), ვატო დადვანმა (1), ფაბიო ბარალდიმ (1), დუშან ვასიჩმა (1) და მარკო ელაჩამ (1).

ევროპის ჩემპიონი კი, ტურნირის მასპინძელი ხორვატიის ნაკრები გახდა, რომელმაც საკმაოდ დაძაბულ და საინტერესო ფინალში იტალიის ნაკრები (მეორე პერიოდში გატანილი ერთადერთი გოლი) ბურთის სხვაობით 9-10 (3-3, 0-1, 4-4, 2-2) დაამარცხა და ევროპის რიგით 35-ე ჩემპიონატის გამარჯვებული გახდა.

ფოტო: @split2022.len.eu