საქართველოს ძალოსანთა ეროვნული ნაკრები დღეს, ნორვეგიაში გაემგზავრა და 3 ოქტომბრიდან, მსოფლიო ჩემპიონატზე დაიწყებს ასპარეზობას. ქალაქ ფორდეში, მსოფლიო პირველობა სტარტს ხვალიდან აიღებს და 11 ოქტომბერს დასრულდება , თუმცა, გიორგი ასანიძის გაწვრთილი სპორტსმენები, წონითი კატეგორიების მიხედვით, ფიცარნაგზე ოდნავ მოგვიანებით იასპარეზებენ.

საქართველოს ძალოსნობის ეროვნული ფედერაციის ინფორმაციით, მსოფლიო ჩემპიონატზე ქართველები ძალებს სამ წონით კატეგორიაში სცდიან:

60 კგ  - გოდერძი ბერდელიძე 

94 კგ - რევაზ დავითაძე

+110 კგ - ბაქარ თურმანიძე

ამავე წყაროზე დაყრდნობით, მედლებისთვის ბრძოლას ჩვენი ძალოსნები, სწორედ, ასეთი თანმიმდევრობით შეეცდებიან.

პს - ჩვენის მხრივ, თბილისის საერთაშორისო აეროპორტში გადაღებული ფოტოთი თუ ვიმსჯელებთ, გუნდის ექიმი გიორგი ჯინჭარაული ისეთ ფორმაშია, თუკი, რომელიმე წონაში დაგვემატება, არ იქნება ურიგო. იმედია, გიორგი ასანიძე, ამ დეტალზე იფიქრებს.