დღეს, სერბულ ნოვი სადში ბერძნულ-რომაული სტილით 23-წლამდე მოჭიდავეთა შორის ევროპის ჩემპიონატი იწყება, რომელიც 10 მარტამდე გასტანს. ტურნირის პირველ სამ დღეს ხალიჩაზე ბერძენ-რომაელები გამოვლენ. მომდევნო დღეები კი, თავისუფალი სტილით მოჭიდავეებს დაეთმობათ.

საქართველოს 23-წლამდე ბერძნულ-რომაული სტილით მოჭიდავეთა ნაკრები სერბეთში უკვე ორი დღეა იმყოფება და კონტინენტის პირველობისთვის ადგილზე ასეთი შემადგენლობით ემზადება:

• ნუგზარ წურწუმია (55 კგ)
• ირაკლი ძიმისტარიშვილი (60 კგ)
• ლევან ქავჟარაძე (63 კგ)
• გიორგი კურტანიძე (67)
• რამაზ ზოიძე (72 კგ)
• ბექა მამუკაშვილი (77 კგ)
• აივენგო რიკაძე (82 კგ)
• გურამ ხეცურიანი (87 კგ)
• გიორგი მელია (97 კგ)
• ზვიად პატარიძე (130 კგ)

გუნდის მთავარი მწვრთნელი - იოსებ ჯაბიძე

დღეს, ჩვენი ნაკრებიდან ხალიჩაზე გავლენ 23-წლამდელთა შორის ევროპისა და მსოფლიოს მოქმედი ჩემპიონები - ნუგზარ წურწუმია და ზვიად პატარიძე. ასევე, დღეს იასპარეზებენ ლევან ქავჟარაძე, ბექა მამუკაშვილი და გურამ ხეცურიანი.

წინასწარი ეტაპის შეხვედრები თბილისის დროით 14:30 წუთიდან დაიწყება. ნახევარფინალები კი, 21:00 საათიდან. რაც შეეხება საპრიზო სამეულებს, ამ ხუთი წონის გამარჯვებულები 5 მარტს გამოვლინდებიან.

მასალა მოამზადა ეკა ელოშვილმა