საქართველოს ძიუდოს ფედერაციის ოფიციალური ცნობით, 5-7 აპრილს, თურქეთში, ანტალიაში გამართული გრან-პრის გუნდური გამარჯვებული საქართველოს ძიუდოისტთა ნაკრები გახდა. საქართველოს ნაკრებმა ანტალიის გრან პრიზე 1 ოქროს, 2 ვერცხლის და 2 ბრინჯაოს მედალი მოიპოვა და ვაჟთა და ქალთა საერთო ჩათვლაში პირველი ადგილი დაიკავა.

ტურნირის ბოლო დღეს 90 კგ-მდე წონით კატეგორიაში ბრინჯაოს მედალი მოიპოვა ავთანდილ ჭრიკიშვილმა.

ანტალიის გრან-პრის ბოლო დღეს ქართველებს ორი ოქროს მედლის მოგების შანსიც ჰქონდათ თუმცა, ამ ჯერზე გიორგი პაპუნაშვილიც (-90კგ)  და ლევან მატიაშვილიც (+100კგ) მხოლოდ, ვერცხლის მედალებს დაყაბულდნენ.

შეგახსნებთ, რომ ერთადერთი ოქრო ანტალიის გრან-პრიზე, -81კგ-მდე წონით კატეგორიაში ლუკა მაისურაძე მოიპოვა. ანტალიური ოქრო, ახალგაზრდა ქართველი სპორტსმენის კარიერაში პირველი წარმატებაა გრან-პრის სერიებიდან.

ამვე ტურნირზე  კიდევ ერთი ქართველის- ბაგრატ ნინიაშვილის (-66კგ) ანგარიშზე ანტალიური ბრინჯაოა.

***

საქართველოს ნაკრების შემადგენლობა ანტალიის გრან-პრიზე:

-60კგ - ჯაბა პაპინაშვილი, ირაკლი კუპატაძე

-66კგ - ბაგრატ ნინიაშვილი, ვანო მახათაძე

-73კგ - გიუნაშვილი ლაშა, შავდათუაშვილი ბექა

-81კგ - ლუკა მაისურაძე, ვლადიმერ ახალკაცი

-90კგ - გიორგი პაპუნაშვილი, ავთანდილ ჭრიკიშვილი

-100კგ - ზაურ კენჭაძე

+100კგ - ლევან მატიაშვილი, გიორგი ქავთარაძე

-48კგ - ნატალია ყიფშიძე

-52კგ - ტეტიანა ლევიცკა-შუკვანი

-57კგ - ეთერ ლიპარტელიანი, მარიამ ჯანაშვილი

-70კგ - მარიამ ჭანტურია

+78კგ - სოფიო სომხიშვილი